Шоир Салим Ашуров Президент администрацияси оммавий ахборот воситалари, телевидение ва матбуотни ривожлантириш шўъбаси мудири этиб тайинланди. Бу ҳақда Turon 24 хабар бермоқда.
Шунингдек, Баҳодир Юнусов мазкур шўъбанинг бош консультанти, Элбек Долимов эса шўъбанинг етакчи консультанти лавозимига тайинланган.
Салим Ашуров узоқ йиллар «Туркистон» (ҳозирги «Ёшлар овози») газетасида бош муҳаррир лавозимида ишлаган. Кейин эса Президент девонида масъул лавозимларда фаолият олиб борган.
Баҳодир Юнусов бундан аввал кўп йиллар давомида Ўзбекистон МТРК тизимида турли лавозимларда фаолият кўрсатган, сўнг Вазирлар Маҳкамасининг департаментларидан бирида ҳам ишлаган. 2017 йилда МТРК раисининг биринчи ўринбосари бўлган.
Элбек Долимов эса Ахборот коммуникациялари ва технологияларини ривожлантириш вазирилиги матбуот хизмати раҳбари лавозимида ишлаб келаётган эди.
Изоҳ (0)