Самарқанд вилоятининг Тойлоқ тумани, “Хўжаюз” МФЙда жойлашган маҳалла ҳовузи атрофидаги бир туп кўп йиллик ўсиб турган чинор дарахти фуқаро С.Р. томонидан ноқонуний равишда кесиб ташланди. Бу ҳақда Самарқанд вилояти Экология бошқармаси матбуот хизмати хабар берди.
Маълум қилинишича, ҳуқуқбузар фуқаро дарахтни ноқонуний тарзда кесиб ташлаши оқибатида табиатга 115 млн 125 минг сўм зарар етказган.
Гумонланувчиларга нисбатан қонун талабларига мувофиқ тегишли ҳужжатлар расмийлаштирилиб, ҳуқуқни муҳофаза қилувчи органларга тақдим этилди.
Аёвсиз кесилаётган дарахтлар
Тошкент вилоятида 2 туп кўп йиллик чинорни кесган шахс табиатга 199 млн сўм зарар етказгани ҳақида хабар берилганди. Хоразмда 4 туп павловния дарахтини кесган шахс 27 млн сўмдан ортиқ жаримага тортилганди.
Изоҳ (0)