Ўзбекистонда электрон хизматлар кўрсатувчи 63 та хорижий компания томонидан 2024 йилда 115,8 млрд сўм солиқ тўланган. Бу ҳақда Солиқ қўмитаси матбуот хизмати хабар берди.
Маълум қилинишича, ушбу кўрсаткич 2023 йилга нисбатан 1,5 баробар кўп.
Рақамларга эътибор қаратилса, Меtа компанияси 2024 йил даовмида 346 млрд сўм ишлаб топган. Ушбу кўрсаткич 2023 йилга нисбатан 44 фоизга кўп. Компания 41,7 млрд сўм солиқ тўлаган.
Шунингдек, Google 240 млрд сўм ишлаб топди. Тўланган солиқ миқдори қарийб 29 млрд сўм.
Яна бир дунё даражасидаги гигант компания – Apple 227 млрд сўм ишлаб топди. Турли фильм, шоу ва кўрсатувлар намойишини ичига олган Netflix 6-поғонада. Компания 2024 йили 11,7 млрд сўм ишлаган.
Эътиборга молик томони, Ўзбекистонда фойдланиш расман чекланган TikTok ўтган йили қарийб 7,5 млрд сўм ишлаб топган. Ушбу компания қарийб 1 млрд сўм солиқ тўлаган.
Умуман олганда, тўланган жами солиқларнинг 99,9 фоизи электрон хизматлар кўрсатувчи қуйидаги 10 та хорижий компаниялар ҳиссасига тўғри келади:
- Меtа - 41,7 млрд сўм;
- Google - 29 млрд сўм;
- Apple - 27,3 млрд сўм;
- Аmazon - 4,1 млрд сўм;
- Вооking.com - 3,6 млрд сўм;
- Netflix - 1,4 млрд сўм;
- Zoom - 1,4 млрд сўм;
- Аccа - 1,2 млрд сўм;
- Хsolla- 966,7 млн сўм;
- TikTok - 903 млн сўм.
Изоҳ (0)