O‘zbekistonda elektron xizmatlar ko‘rsatuvchi 63 ta xorijiy kompaniya tomonidan 2024-yilda 115,8 mlrd so‘m soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, ushbu ko‘rsatkich 2023-yilga nisbatan 1,5 barobar ko‘p.
Raqamlarga eʼtibor qaratilsa, Meta kompaniyasi 2024-yil daovmida 346 mlrd so‘m ishlab topgan. Ushbu ko‘rsatkich 2023-yilga nisbatan 44 foizga ko‘p. Kompaniya 41,7 mlrd so‘m soliq to‘lagan.
Shuningdek, Google 240 mlrd so‘m ishlab topdi. To‘langan soliq miqdori qariyb 29 mlrd so‘m.
Yana bir dunyo darajasidagi gigant kompaniya – Apple 227 mlrd so‘m ishlab topdi. Turli film, shou va ko‘rsatuvlar namoyishini ichiga olgan Netflix 6-pog‘onada. Kompaniya 2024-yili 11,7 mlrd so‘m ishlagan.
Eʼtiborga molik tomoni, O‘zbekistonda foydlanish rasman cheklangan TikTok o‘tgan yili qariyb 7,5 mlrd so‘m ishlab topgan. Ushbu kompaniya qariyb 1 mlrd so‘m soliq to‘lagan.
Umuman olganda, to‘langan jami soliqlarning 99,9 foizi elektron xizmatlar ko‘rsatuvchi quyidagi 10 ta xorijiy kompaniyalar hissasiga to‘g‘ri keladi:
- Meta - 41,7 mlrd so‘m;
- Google - 29 mlrd so‘m;
- Apple - 27,3 mlrd so‘m;
- Amazon - 4,1 mlrd so‘m;
- Vooking.som - 3,6 mlrd so‘m;
- Netflix - 1,4 mlrd so‘m;
- Zoom - 1,4 mlrd so‘m;
- Acca - 1,2 mlrd so‘m;
- Xsolla - 966,7 mln so‘m;
- TikTok - 903 mln so‘m.
Izoh (0)