Ниғматилла Йўлдошев 21 июнь куни иккинчи муддатга Ўзбекистон бош прокурори лавозимига тасдиқланди.
Сенатнинг эллик учинчи ялпи мажлисида бош прокурор лавозимига номзод кўриб чиқилди ва сенаторлар қаршиларсиз, бетарафларсиз Ниғматилла Йўлдошевни бош прокурор лавозимига маъқуллади.
“Номзод масаласини жойлардаги маҳаллий кенгашлар билан ҳам муҳокама қилиб олганмиз. Ҳаммалари: жойлардаги сенаторлар ҳам, маҳаллий кенгаш депутатлар ҳам бундан кейин прокуратура тизимлари билан ҳамкорликда ишлаб, халқимиз фаровонлиги йўлида биргаликда ишлаймиз деган ниятдамиз”, — деди сенат раиси Танзила Норбоева.
Ниғматилла Йўлдошев 2019 йил 20 июнда Ўзбекистон бош прокурори этиб тайинланганди. Прокуратура тўғрисидаги қонунга кўра, бош прокурор ваколат муддати 5 йил. Бош прокурорни лавозимига тайинлаш ҳамда лавозимидан озод этиш тўғрисидаги фармонлари Олий Мажлис Сенати томонидан тасдиқланади.
Ялпи мажлисда Рақобатни ривожлантириш ва истеъмолчилар ҳуқуқларини ҳимоя қилиш қўмитаси раисини сайлаш, Судьялар Олий кенгаши таркибига ўзгартиришлар киритиш масалалари ҳам кўриб чиқилади.
Изоҳ (0)