Тошкентнинг икки кўчаси реконструкция қилиш ва таъмирлаш ишлари муносабати билан вақтинча ёпилади. Бу ҳақда пойтахт ҳокимлиги матбуот хизмати хабар берди.
![](/static/2024/05/20/2024-05-20 20.06.01-0yhK0KZ6.jpg)
Аввалроқ Тошкент шаҳри кўчалари ва чорраҳаларини реконструкция қилиш ва таъмирлаш ишларининг бошланиши ҳақида хабар берилган эди.
Мазкур ишлар доирасида қуйидаги кўчалар 20 май куни соат 22:00 дан 21 май 06:00 га қадар ҳамда 21 май куни соат 22:00 дан 22 май 06:00 га қадар автотранспорт ҳаракати учун ёпилади:
- Қорасарой кўчаси Нурафшон кўчаси билан кесишмасидан Абдулла Қодирий кўчаси билан кесишмасигача;
- Кичик ҳалқа автомобиль йўли Нурафшон кўчаси билан кесишмасидан Қорасарой кўчаси билан кесишмасигача.
“Ноқулайликлар учун узр сўраймиз ва ҳайдовчиларга ушбу вақт оралиғида айланма йўллардан фойдаланишни тавсия қиламиз”, – дейилади хабарда.