Ўзбекистон ва Саудия Арабистони шаҳарлари ўртасида мунтазам авиақатновлар сони оширилади. Бу ҳақда “Ўзавиация” агентлиги матбуот хизмати хабар берди.
Маълум қилинишича, FAF 2024 (Future aviation forum) тадбири доирасида “Ўзавиация” агентлиги директори Тохир Назаров бошчилигидаги делегация Саудия Арабистони подшоҳлиги авиация маъмурияти билан музокаралар ўтказди.
Музокаралар натижасига кўра, Ўзбекистон шаҳарларидан Саудия Арабистони шаҳарлари ўртасида мунтазам парвозлар сони ҳар бир томондан 50 тагача кўпайтиришга келишиб олинди ва эришилган келишувларни тасдиқлаш мақсадида меморандум имзоланди.
Қайд этилишича, меморандум Ўзбекистондан ҳаж ва умра тадбирларига борадиган зиёратчилар ҳамда “Умра плюс” дастури орқали Ўзбекистонга зиёрат туризми учун ташриф буюрувчи хорижий сайёҳларга кенг имкониятлар яратади.
Шунингдек, Ўзбекистоннинг барча аэропортларини Саудия Арабистони билан боғлаш ҳамда икки мамлакат ўртасидаги алоқаларни янада мустаҳкамлашга хизмат қилади.
Изоҳ (0)