Андижон вилояти Асака туманида юк машинаси тормози ишламай қолиб, уйни бузиб кириб кетди. Вилоят ЙҲХБ ҳолат юзасидан маълумот берди.
Унда айтилишича, ҳолат 8 апрель куни соат 13:10 ларда Асака тумани, “Янгисор” маҳалласи ҳудудида содир бўлган. Иккинчи даражали йўлдан ҳаракатланиб келаётган “Зил ММЗ” русумли юк транспорт воситасининг тормоз тизимида техник носозлик келиб чиқиши оқибатида йўл бўйидаги яшаш хонадонига бориб урилган.
Ушбу йўл-транспорт ҳодисаси оқибатида юк машинаси ҳайдовчиси олган тан жароҳати билан туман шифохонасига ётқизилган. Бошқа фуқароларга зарар етмаган.
Мазкур ҳолат юзасидан ҳозирда Асака тумани ички ишлар ходимлари томонидан суриштирув ишлари олиб борилмоқда.
Март ойида содир бўлган ЙТҲлар:
Жиззахда 13 март куни рулда ухлаб қолган Matiz ҳайдовчиси юк машинасига урилиши оқибатида ҳалок бўлганди. 12 март куни Тошкентда дарахтга урилган Lacetti пачақланиб кетди. 7 март куни Навоийда Damas ва Cobalt тўқнашиши оқибатида бир киши жароҳатланди. 17 март куни соат 06:30 ларда Тошкент—Бекобод автомобиль йўлида ҳаракатланиб кетаётган юк машинаси (дастлабки маълумотга кўра ҳайдовчиси ухлаб қолиши натижасида) қарама қарши йўналишга чиқиб кетиб, Isuzu автомобили билан тўқнашган.
Шунингдек, Тошкентда Lexus ҳайдовчиси катта тезликда келиб, йўл четида турган машина ва қарияни уриб юборганди.
Апрель ойидаги ЙТҲлар
Изоҳ (0)