Тошкент вилоятининг Бўстонлиқ тумани, Ғазалкент шаҳридаги қўриққа олинган савдо дўконидан 9 июнь куни соат 01:23 да сигнал тушган. Бу ҳақда вилоят ИИББ матбуот хизмати хабар берди.
Маълум қилинишича, тезкор гуруҳ ходимлари 3 дақиқа ичида воқеа жойига етиб борган. Дўкон ичидаги номаълум шахс қочишга уринган ва қўлидаги пичоқ орқали ўзини жароҳатлаш билан таҳдид қилган.
Кўрилган чоралар натижасида Бўстонлиқ туманида яшовчи, 1991 йилда туғилган (С.О.) шахс қуролдан зарарсизлантирилиб, қўлга олинди.
Ҳолат юзасидан ҳудудий ИИБ томонидан терговга қадар текширув ҳаракатлари олиб борилмоқда.
Бундан аввал Андижонда пул ташиладиган автомобилга ниқобли босқинчилар ҳужум қилган эди. Мазкур ҳолат бўйича Жиноят кодексининг 164-моддаси 2-қисми “б” банди (босқинчилик, бир гуруҳ шахслар томонидан олдиндан тил бириктириб) билан жиноят иши қўзғатилиб, Й.Д. процессуал тартибда ушланган.
Изоҳ (0)