Дубай ҳукумати шаҳарни ободонлаштириш ва уни улкан яшил ҳудудга айлантиришда давом этмоқда. Диллер Scofidio + Renfro архитектура бюроси Дубайда дунёдаги энг баланд курорт барпо этишга қарор қилди.
Therme Dubai — Islands in the Sky лойиҳаси 100 метр баландликдаги соғломлаштириш мажмуаси бўлиб, 2028 йилда Zabeel Park’да очилиши режалаштирилган. Лойиҳа қиймати 2 миллиард дирҳамдир. Бино йилига 1,7 миллион меҳмонни қабул қилиш имкониятига эга бўлади. У 2024 йилнинг энг ноодатий осмонўпар бинолари ўнталигига киритилган Оnе Zaabeel биноси ёнида жойлашади.
Айни пайтда Diller Scofidiol + Renfro бюроси лойиҳанинг илк суратларини тақдим этди. Therme Dubay’да осмондаги оролларни эслатувчи осма ботаника боғлари, террасалар ва ҳовузлар каби инновацион дизайнерлик элементлари мавжуд. Унда камида 200 турдаги ўсимликлардан иборат бошқа боғлар ҳам қурилади. Экологик масъулиятни ҳам эътиборга олиб, ҳовузларда ишлатиладиган сувнинг 90 фоизини қайта ишлашни режалаштирмоқда.
Мажмуа учта асосий зонага бўлинади: “Play” (Ўйин), “Relах” (Дам олиш) ва “Restorе” (Тикланиш). “Play” зонаси оилавий аквапарк қурилади, “Rеlах” қисмида ҳовузлар ва даволаш масканларини таклиф этади, “Rеstore” да эса спа маркази қурилади.
Therme Dubai нафақат соғломлаштириш, балки турли тадбирлар ва концертлар ўтказиш мумкин бўлган саҳналарни ҳам ўз ичига олади. Меҳмонлар турли маданий тадбирлардан баҳраманд бўлишлари мумкин бўлади.
Therme Group асосчиси Роберт Ҳанеа ушбу лойиҳа орқали шаҳар ҳаётига табиат, сув ва маданиятни интеграция қилишни мақсад қилганини таъкидлаб, бу орқали инсонларнинг ҳаёт сифатини ошириш ва глобал соғломлаштириш стандартларини янги босқичга кўтаришни режалаштираётганини билдирди.
Diller Scofidio + Renfro маълумотларига кўра, Therme Dubai қурилиши 2026 йилда бошланади ва 2028 йилда якунланади, бу вақт бундай йирик лойиҳа учун жуда қисқадир.
Изоҳ (0)