“Темир йўл транспорти соҳасида давлат томонидан тартибга солинадиган ва бозор тамойиллари асосида кўрсатиладиган хизматлар рўйхатини тасдиқлаш тўғрисида”ги ҳукумат қарори қабул қилинди.
Унга кўра, қуйидагилар тасдиқланди:
- Темирйўл транспорти соҳасида давлат томонидан тартибга солинадиган хизматлар рўйхати;
- Темирйўл транспорти соҳасида бозор тамойиллари асосида кўрсатиладиган хизматлар рўйхати;
- Темирйўл транспорти соҳасида истеъмолчиларга бепул кўрсатиладиган хизматлар рўйхати.
Рўйхатга кўра, термирйўл хизматидан фойдаланувчиларга аравача, чиптаси бўлган йўловчиларга ҳожатхоналарда бўлиш, она ва бола хонасидан фойдаланиш, кутиш залида Wi-Fi, ногиронлар учун аравачалар, тиббий ёрдам пункти хизматлари, йўл давомида телефон ва ноутбукларни қувватлаш хизмати, кутубхона, йўл давомида чой, ичимлик суви, шакар бепул тақдим этилади.
Аввалроқ Ўзбекистонда янги дизель поезди синовдан ўтказилиши, 2025 йилда авиа, темирйўл ва автобус чипталарини олиш имконини берувчи ягона онлайн платформа ишга тушиши, байрам арафаси ҳамда таътилга оз қолганлиги сабабли аҳолининг ҳамда талабаларнинг темир йўл транспорти хизматига бўлган талаблари ортгани сабаб йўловчи поездларига қўшимча вагонлар уланиб, янги поездлар қатнови йўлга қўйилаётгани ҳақида хабар берилган эди.
Изоҳ (0)