Италиянинг Милан шаҳридаги Бергамо аэропортида самолёт двигателига кириб кетган эркак вафот этди. Бу ҳақда CNN хабар берди.
Учоқ 8 июль куни Испаниянинг Астурия шаҳрига учишга тайёргарлик кўраётган бўлган. Самолёт учиш-қўниш йўлагига чиққан пайтда номаълум шахс югуриб келиб, ҳаракатдаги двигателга яқинлашган ва унинг ичига тортилиб кетган. Фожиа самолёт ҳали ҳавога кўтарилмасидан аввал рўй берган.
Воқеа юз берган пайтда бортда 154 нафар йўловчи ва олти нафар экипаж бўлган. Уларга психологик ёрдам кўрсатилмоқда. Марҳум аэропорт ҳудудига қандай киргани ва хавфсизлик чоралари қандай бузилгани юзасидан тергов ишлари бошланган. Ҳодиса ортидан аэропортдаги рейслар вақтинча кечиктирилган. Ҳозирда марҳумнинг шахсини аниқлаш ишлари олиб борилмоқда.
Бергамо — Италиядаги учинчи энг гавжум халқаро аэропорт ҳисобланади. Аэропорт ягона терминалга эга бўлиб, 24 соат узлуксиз хизмат кўрсатади. 2024 йилда у тахминан 17,4 миллион йўловчига хизмат кўрсатган.
Изоҳ (0)