Туркиянинг марказий қисмида 15 июнь куни ҳаво шари қулаб тушган. Унинг учувчиси ҳалок бўлиб, 19 нафар индонезиялик сайёҳ жароҳатлани айтилди. Бу ҳақда Arab News хабар берди.
Губернаторлик баёнотида айтилишича, шарнинг қулашига шамолнинг тўсатдан ўзгариши таъсир қилган. У Оқсарой вилоятидаги Гозлукую қишлоғи яқинида қўнишга уринаётганда, учувчи шар саватидан тушиб кетиб, оёқлари арқонга ўралиб қолган. Оқибатда у сават остида қолиб кетди ва вафот этган. Жароҳатланган сайёҳлар шифохонага олиб кетилгани қўшимча қилинган.
Anadolu агентлигининг маълум қилишича, Илхара водийсининг худди шу жойидан ҳавога кўтарилган яна бир ҳаво шари 15 июнь куни эрта тонгда хавфли қўнишни амалга оширган ва 12 нафар ҳиндистонлик сайёҳ енгил жароҳат олиб, шифохонага етказилган.
2022 йилда икки испаниялик сайёҳ Каппадокия бўйлаб сайёҳлик туридан сўнг ҳаво шари қаттиқ қўниши оқибатида ҳалок бўлганди.
Изоҳ (0)