АҚШ ҳарбийлари сўнгги бир неча кун давомида мамлакатнинг шимолий қисмида разведкачи ҳаво шарини кузатмоқда. Бу ҳақда Пентагон матбуот котиби Патрик Райдерга таяниб, CNN хабар берди.
“Ушбу разведка шари Хитойга тегишли эканига ишончимиз комил. Сўнгги бир неча йил ичида биз бундай ҳаракатларни кузатганмиз”, — деди Пентагон вакили.
Райдернинг қайд этишича, АҚШ расмийлари ҳаво шарини уриб тушириш ниятида эмас, чунки у учиш баландлиги томондан фуқаро авиацияси учун хавф туғдирмайди. Шунингдек, ҳарбийлар шарни разведка нуқтаи назаридан ҳам хавфли эмас деб ҳисобламоқда, чунки Хитой сунъий йўлдошлари аллақачон эквивалент маълумотларни узатган.
🚨#BREAKING: More video of the Chinese spy balloon⁰
— R A W S A L E R T S (@rawsalerts) February 2, 2023
📌#Montana | #USA
More video is coming out as
The Chinese high altitude surveillance balloon was seen over Billings Montana yesterday.
The size of balloon is three buses wide and has been flying over the Northern U.S. for days pic.twitter.com/4iUVvJQCG8
Шунга қарамай, Америка расмийлари Хитой ҳукумати билан “Вашингтон ва Пекиндаги бир нечта каналлар орқали” алоқага чиққан.
Шарнинг ҳозирги жойлашув нуқтаси номаълум. Райдернинг таъкидлашича, у “бир қанча махфий жойлар” устидан учиб ўтган. Аввалроқ NBC ҳаво шарини 31 январь куни Монтана штатининг Биллингс шаҳрида кўришгани ҳақида хабар берганди. Бунгача у Канада ва Алеут ороллари устидан парвоз қилган.
Хитой ва АҚШ ўртасидаги муносабатлар АҚШ Конгресси спикери Ненси Пелоси 2022 йил август ойида Хитой ҳукумати ўз ҳудуди деб биладиган Тайванга ташриф буюрганидан кейин кескинлашди.
Январь ойи охирида АҚШ ҳарбий-ҳаво кучлари генерали Майк Минихан Хитой ва АҚШ ўртасида Тайван учун уруш 2025 йилда бошланиши мумкинлигини айтди.
Изоҳ (0)