Американинг Аризона штатидаги Элой шаҳрида ҳаво шарининг қулаши оқибатида 4 киши ҳалок бўлди. Бу ҳақда шаҳар полицияси матбуот хизмати хабар берди.
![](/static/2024/01/15/photo_2024-01-15_10-50-29-_a8D_Z5t.jpg)
“Бугун эрталаб шаҳримизда ҳаво шари Элойдаги чўл ҳудудига қулаб тушди, оқибатда тўрт киши ҳалок бўлди ва бир киши оғир яраланди”, — деди полиция Facebook’даги постида.
Шарнинг қулаши сабаблари номаълум. Воқеа Миллий транспорт хавфсизлиги кенгаши ва АҚШ Федерал авиация бошқармаси ходимлари томонидан текширилмоқда.
Аввал Францияда ҳаво шарининг электр сими билан тўқнашиши оқибатида 7 киши жабрланган эди.