Супер оғир вазн тоифасидаги ўзбекистонлик профессионал боксчи Баҳодир Жалолов навбатдаги жанги санаси ва рақиби маълум бўлди. Top Rank промоутерлик компанияси томонидан ташкил этиладиган жанг 26 июль куни Нью-Ёркда бўлиб ўтади.
Ўша куни ўзбекистонлик спортчига 36 ёшли италиялик Жанмарко Кардило рақиблик қилади. Madison Square Garden аренасида ўтадиган жанг 10 раундга мўлжалланган.
Италиялик боксчи шу пайтга қадар профессионал боксда 15 та жанг ўтказиб, уларнинг 12 тасида ғалаба қозонган, 2 та баҳс дуранг билан якунланган ва яна битта учрашувда имкониятни бой берган. Қизиқарли томони шундаки, унинг барча жанглари Италияда бўлиб ўтган.
Маълумот учун, Баҳодир Жалолов шу кунга қадар профессионал боксда 15 марта жанг ўтказиб, уларнинг 14 тасида муддатидан аввал ғалаба қозонган бўлса, бир баҳсда очколар ҳисобига рақибдан устун келган.
Жалолов охирги жангини 5 апрель куни Қозоғистоннинг Остона шаҳрида украиналик Игор Шевадзуцкийга қарши рингга кўтарилиб, ҳакамларнинг якдил қарорига кўра ғалаба қозонган эди.
Изоҳ (0)