Буюк Британиянинг Лондон шаҳри мэрияси АҚШ президенти Дональд Трампнинг ташрифига норозилик билдираётган намойишчиларга унинг ташрифи кунида парламент устида Америка етакчисини чақалоқ кўринишида тасвирловчи улкан ҳаво шарини учиришга рухсат берди. Бу ҳақда «РИА Новости» хабар қилди.
АҚШ президентининг ташрифи муносабати билан Trump Baby лойиҳаси фаоллари қарийб 16 минг фунт стерлинг маблағ тўплаган ва бу маблағ ҳисобига Трамп кўринишидаги олти метрли ҳаво шарини тайёрлаган. Гелий билан тўлдирилган «президент» чақалоқ кўринишда, оғзида сўрғич, қўлида эса мобил телефон билан тасвирланган. Шаҳар мэрияси шарни учиришга узоқ вақт давомида рухсат бермаган эди.
Намойишни ўтказиш учун қатъий шартлар қўйилган: шар ҳавода 13 июль, жума куни маҳаллий вақт билан соат 09:30 дан 11:30 гача бўлади ва 30 метрдан баландга кўтарилиши мумкин эмас. Бунда шар ердаги конструкцияга маҳкамланган бўлиши зарур.
Изоҳ (0)