Universal ва DreamWorks Animation компаниялари “Шрек” франшизасининг бешинчи қисм премерасини 2026 йил 23 декабрдан 2027 йил 30 июнга кўчирди. Variety нашри хабар беришича, фильмнинг чиқиш санаси иккинчи бор кечиктирилмоқда. Дастлаб премера 2026 йил июлига режалаштирилган эди. Студия бунинг сабабини изоҳламади.

Жорий йилнинг май ойида анимацион фильмнинг биринчи тизер-трейлер тақдим этилди, унда бош қаҳрамонлар янгиланган графика асосида намойиш этилди. Бироқ мухлисларга тизерда кўрсатилган анимация услуби маъқул келмади ва кўплаб тандиқларга сабаб бўлди.
Сюжетга кўра, янги фильмда Шрекнинг қизи сеҳр билан шуғулланади ва тасодифан отаси билан эшакни “ҳақиқий дунё”га олиб ўтади. Уларни қайтариб юборадиган сеҳрни билмагани сабабли Шрек ва эшак ўз йўлларини ўзлари топишга мажбур бўлишади.
Агар яна кечикишлар бўлмаса, “Шрек 5” Sonyънинг “Ўргимчак одам: оламлардан йироқда” анимацион фильми премерасидан бир ҳафта ўтиб экранларга чиқади.
Ҳозирда франшизанинг сўнгги мультфильми 2010 йилда чиққан “Шрек бир умрга” фильмидир. 2022 йилда “Этик кийган мушук” мультфильмининг давоми бўлган “Этик кийган мушук 2: Сўнгги тилак” премераси бўлиб ўтган.
Аввалроқ бош қаҳрамоннинг энг яқин дўсти — Эшакка бағишланган алоҳида фильм спин-офф суратга олиниши ҳақида хабар берилган эди.
Изоҳ (0)