Дам олиш кунларига кинотавсия: 2000 йилларнинг энг яхши романтик комедиялари

“Таътиллар алмашганда” (2006)

• Режиссёр: Ненси Меерс

• Ролларда: Камерон Диас, Кейт Уинслет, Жуд Лоу, Жек Блек

Турли қитъалардан ва бутунлай бошқача ҳаётга, лекин ишқий масалаларда жуда ўхшаш муаммоларга эга бўлган икки қиз тасодифан интернет орқали танишиб, Рождество арафасида уй алмашишга қарор қилишади. Мазкур ғоя иккаласи учун ҳам кутилмаган сюжетга айланади: ғамгинлик ва кундалик муаммолардан дам олишга умид қилиб, қаҳрамонлар ниҳоят ўз бахтини топади.

“Чин муҳаббат” (2003)

• Режиссёр: Ричард Кертис

• Ролларда: Ҳью Грант, Билл Ниги, Лиам Нисон, Эмма Томпсон

Барча даврларнинг энг яхши романтик фильмларидан бири. Фильм қаҳрамонлари орасида котибасига ошиқ бўлган ёш бош вазир, дўстининг гўзал қаллиғи сабаб азоб чекаётган йигит ва муҳаббатдан ҳафсаласи пир бўлган ёлғиз ёзувчи ҳам бор. Уларнинг тақдири бир-бирига боғланган ва бир вақтнинг ўзида бир-биридан мустақил равишда ривожланади. Ҳамдардлик ва ўзаро тушуниш ҳақидаги фильм.

“13 дан 30 гача”  (2004)

• Режиссёр: Гари Виник

• Ролларда: Женнифер Гарнер, Марк Руффало, Жуди Грир, Энди Серкис

1987 йилда яшовчи 13 ёшли Женна тезроқ катта бўлишни хоҳлайди. У 30 ёшли гўзал қиз бўлишни орзу қилади ва қизнинг бу орзуси амалга ошади. Қаҳрамон 2004 йилда машҳур журналнинг гўзал муҳаррири сифатида уйғонади ва болаликдаги дўстини севиб қолади.

“Ўзгариш вақти келди” (2003)

• Режиссёр: Ненси Меерс

• Бош ролларда: Жек Николсон, Даян Китон, Киану Ривз, Френсис МакДорманд

Фильмда афсонавий Жек Николсон, Аманда Пит ва Киану Ривз иштирок этган. Фақат 30 ёшга тўлмаганлар билан учрашишни маъқул кўрадиган кекса бўйдоқ маъшуқасининг онаси — ёзувчи Эрика билан танишиб қолади ва у бутун умрини бирга ўтказишни хоҳлаган аёл эканини тушунади. Тўғри, фильмда яна бир рақиб ҳам бор — келишган ёш шифокор, у ҳам Эрикани ёқтиради. Пляж саҳналари, 2000 йилларнинг модаси бўлган кашмир свитерлар ва севги учбурчаги — бундан яхшироқ нима бўлиши мумкин?

“Қонундаги малласоч” (2001)

• Режиссёр: Роберт Лукетич

• Ролларда: Риз Уизерспун, Люк Уилсон, Селма Блер, Меттю Дэвис

Мафтункор малласоч қиз қобилиятли адвокат бўла олмайди, деб ким айтди? Риз Уизерспун томонидан ажойиб тарзда ижро этилган Элле Вудс бунинг аксини осонгина исботлайди. Унинг йигити — университетнинг энг яхши талабаси қизни ташлаб кетишга қарор қилади. Шундан сўнг йигит учун ҳаётдаги энг ҳалокатли хато, лекин бош қаҳрамон учун энг яхши дақиқалар бошланади.

“Тўй ташкилотчиси” (2001)

• Режиссёр: Адам Шенкман

• Ролларда: Женнифер Лопес, Меттю Макконаҳи, Брижит Уилсон, Жастин Чемберс, Жуди Грир

Адам Шенкман режиссёрлик қилган 2000 йилда суратга олинган классик роман. Фильмда тўйларни ташкиллаштирувчи Мери (Женнифер Лопес) тасодифан мижозининг қайлиғи (Меттю Макконаҳи)ни севиб қолади. Аммо ҳеч ким тўйни бекор қилмоқчи эмас.

“Келинлар жанги” (2009)

• Режиссёр: Гари Виник

• Ролларда: Кейт Ҳадсон, Энн Ҳетеуэй, Брайан Гринберг, Крис Пратт

Икки энг қадрдон дугонанинг рақибга айланиши тасвирланган ажойиб фильм. Июнь ойида Нью Йорк Плазада никоҳдан ўтиш  — бу икки қизнинг болаликдан бери орзуси. Жангда ғалаба қозониш учун Энн Ҳетеуй ва Кейт Ҳадсон қўлидан келган ҳамма ишни қилади: кутилмаган ҳомиладорлик ҳақида миш-миш тарқалади ва рақиби келинлик либосига сиғмаслиги учун тўйдириб овқатлантиришга уриниш. Аммо бу тўй яқин одамингни йўқотишга арзийдими?

“Соч лаки” (2007)

• Режиссёр: Адам Шенкман

• Ролларда: Никки Блонский, Жон Траволта, Мишел Пфайфер, Кристофер Уолкен, Аманда Байнс

“Соч лаки” 1960 йилларда суратга олинган худди шу номдаги Бродвей мюзиклининг экранлаштирилган варианти ҳисобланади. Ўрта мактаб ўқувчиси Трейси онасининг иши бўлган — кир ювувчиликдан кўра телеюлдуз бўлишни орзу қилади. Телевизион продюсер Линк Ларкиннинг эътиборига тушгач, аста-секин унинг орзуси амалга оша бошлайди.

“Ваъда бериш — уйланиш дегани эмас” (2008)

• Режиссёр: Кен Куопис

• Ролларда: Бен Аффлек, Женнифер Энистон, Женнифер Коннелли, Бредли Купер, Скарлетт Йоханссон

Фильмда балтиморлик бир неча йигит ва қизлар ҳақидаги ҳикоялар ва улар муносабатларнинг турли босқичларида, учрашувлардан тортиб, энг қийин босқич — турмуш қуриш таклифигача дуч келадиган қийинчиликлар ҳақида ҳикоя қилинади.

“Севги ва огоҳлантириш хати” (2003)

• Режиссёр: Марк Лоуренс

• Ролларда: Сандра Буллок, Ҳью Грант, Алисия Витт, Дана Ивей, Роберт Клеин

Ёш Ҳью Грант ва Сандра Буллокнинг ҳаяжонли дуэти. Ўзи ва атрофидагиларига нисбатан талабчан Люси исмли бош қаҳрамон нуфузли юридик корпорацияда бош маслаҳатчи лавозимидан кетишга қарор қилади. Бунинг сабаби шундаки, у хўжайинига “энагалик қилиш”дан жуда чарчаган — раҳбари усиз бир қадам ҳам боса олмайди. Ёрдамчисига мафтун бўлган миллионер Жорж Люсини ишдан бўшатишга рози, фақат бир шарт билан: Люси икки ҳафта ичида ўрнига бошқа ходим топиши керак. Бундай одамни топиш осон эмас, Жорж ҳам ўзининг содиқ ёрдамчисисиз қолишни истамайди.