Қизиб кетган гаджетни қайта ишга тушириш ва унга зарар етказмасликнинг синовдан ўтган усуллари билан танишинг.
1. Ғилофни ечинг
Қўшимча пластик ёки силикон иссиқликни чиқариб юборишни қийинлаштиради, шунинг учун аксессуарни вақтинча олиб қўйиб, телефонга бир оз эҳтиёткорроқ бўлган маъқул.
2. Вентилятордан фойдаланинг
Қурилмани қуёшдан олиб, вентилятор яқинидаги текис, салқин ёки ҳеч бўлмаганда қизимаган юзага қўйинг. Агар елпиғич бўлса, ундан ҳам фойдаланиш мумкин.
Телефонни музлаткичга солиш ёки унга музлатилган чучвара қўйиш тавсия этилмайди: ҳароратнинг кескин ўзгариши фақат зарар келтириши мумкин.
3. Телефонни ўчиринг
Ҳатто иссиқда узоқ вақт давомида видео ёзиш туфайли қурилма қизиб кетганини билсангиз ҳам, уни бир неча дақиқага бутунлай ўчириб қўйиш шунчаки суратга олишни тўхтатишдан кўра самаралироқ бўлади. Корпус етарлича совигандан сўнг қайта ёқишингиз мумкин.
4. Қувват тежаш режимини ёқинг
Ушбу режимнинг аниқ ишлаш механизми ишлаб чиқарувчига боғлиқ. Одатда фонда иловаларнинг юкланиши чекланади, анимациялар соддалаштирилади ва экран янгиланиш тезлиги пасайтирилади. Буларнинг барчаси қурилманинг иссиққа осонроқ бардош беришига ёрдам беради.
5. Парвоз режимини ёқинг
Парвоз режими (авиа режим) симсиз алоқани ўчиради: мобил тармоқ, Wi-Fi, GPS, Bluetooth. Натижада смартфон доимий равишда уяли алоқа минораси, Wi-Fi уланиш нуқтаси ёки уланиш мумкин бўлган қурилмаларни қидиришни тўхтатади.
Парвоз режимида Wi-Fi ва Bluetooth алоқасини зарур бўлганда қўлда фаоллаштириш мумкин, бироқ бошқа хизматлар ўчирилган ҳолда қолади. iOS парвоз режимида Bluetooth бутунлай ўчирилмайди, аммо агар уланган соат ёки қулоқчинлардан фойдаланмаётган бўлсангиз, бу функцияни қўлда ўчириб қўйишингиз мумкин.
6. Тагликдан фойдаланинг
Смартфони хонада қизиб кетадиган кишилар учун ечим. Асосийси, қурилманинг орқа панелига минимал даражада тегиб турадиган аксессуарни танлаш. Агар смартфон корпуси ҳаво оқимлари билан шамоллатилса, ундан иссиқликни чиқариш осонроқ бўлади.
7. Қизиб кетиш сабабини аниқланг
Агар смартфонингиз асоссиз қизиб кетаётгандек туюлса, созламалар орқали кўп қувват сарфлайдиган иловани топишга ҳаракат қилинг. Одатда қизиб кетиш ва батарея тез тугаши бир-бирига боғлиқ, шунинг учун iPhone’да “Батарея” бўлимига ва Android’да “Батареялар” ёки “Фойдаланиш вақти” каби бўлимларга эътибор беринг.
Агар қувват сарфи бўйича биринчи ўринларда сиз деярли ёки умуман фойдаланмайдиган бирор нарса бўлса, бу хавотирли белги ҳисобланади.
Шубҳали иловани юклаб олганингиз ёки унга орқа фонда маълумотларга ҳаддан ташқари кўп рухсат берганингиз хавфи мавжуд. Бу иссиқлик билан биргаликда қурилманинг қизиб кетишига олиб келган бўлиши мумкин. Бундай дастурларни ўчириб ташлаш ёки ҳеч бўлмаганда уларнинг геолокация каби хизматларга уланишини чеклаш мақсадга мувофиқ.
Изоҳ (0)