АҚШда лифт техник носозлик туфайли жарроҳнинг бошини бузиб ташлади. Бу ҳақда Тҳе Mirror нашрида хабар берди.
Воқеа Техас штатининг Ҳьюстон шаҳрида юз берган. 35 ёшли Хитоши Никайдо исмли шифокор клиниканинг иккинчи қаватидаги лифтга кирмоқчи бўлган, аммо бошини ичкарига киритганида, эшиклар тўсатдан ёпилиб, унинг бошини узиб ташлаган.
Ўша пайтда лифт кабинасида эркакнинг аёл ҳамкасби бўлган. Лифт тиқилиб қолгани боис, у яна 20 дақиқа давомида кесилган бош билан қолиб кетган. Аёлга зарур ёрдам кўрсатилган, бироқ жарроҳни қутқаришнинг иложи бўлмаган.
Тергов давомида аниқланишича, воқеадан бир неча кун олдин техниклар кўтаргични таъмирлаган бўлган.
“Ҳодисага ортиқча сим сабаб бўлган. Битта ўрнига иккита сим ўтказилган ва шу тариқа бўшлиқ тўлдирилган. Агар у бўш қолганида, датчиклар тўғри ишлаган ва тиқилиб қолган одамни ҳеч қандай муаммосиз қўйиб юборган бўларди”, дейилади хабарда.
Таъкидланишича, Хитоши Никайдо асли япониялик бўлиб, болалигида АҚШга кўчиб келган ва 2003 йилда Техас университетининг тиббиёт факультетини тугатиб, отаси сингари жарроҳ бўлган.
Статистик маълумотларга кўра, АҚШда лифтлар ҳар йили 30 га яқин ўлим ва 17100 жароҳатланишга сабаб бўлмоқда. Милоддан аввалги 236 йилда Архимед томонидан яратилган биринчи лифтдан бери технологиялар ривожланганига қарамай, лифтлар билан боғлиқ муаммолар ҳали-ҳануз учраб турибди.
Изоҳ (0)