“Манчестер Сити” бош мураббийи Пеп Гвардиола ёзги трансферлар ойнасида жамоани кучайтиришни мақсад қилган. У клуб раҳбариятидан “Барселона” ярим ҳимоячиси Фермин Лопес трансферини сўради. Каталонияликлар аъзоси жамоадан кетган Кевин Де Брюйнега муносиб ўринбосар сифатида кўрилмоқда. Бу ҳақда Fichajes нашри хабар берди.
Манбага кўра, “шаҳарликлар” Лопес учун “Барселона”га 60 миллион евро тўлашга тайёр. Бироқ “кўк-анорранглилар” футболчи бўйича аниқ позициясини билдирмаган. Шу сабабли унинг келажаги ҳозирча ноаниқ қолмоқда.
Айни пайтда “Барселона”да рақобат кучли. Фермин эса мунтазам ўйин амалиётига эга бўлишни ва 2026 йилги Жаҳон чемпионатига яхши спорт формасида боришни хоҳламоқда. Бу ҳолат унинг жамоани тарк этиш эҳтимолини ошириши мумкинлиги айтилмоқда.
Ҳозирда Лопесга нафақат “Манчестер Сити”, балки “Челси”, “Ливерпуль” ва “Атлетико Мадрид” клублари ҳам жиддий қизиқиш билдирмоқда. Шу боис “Барселона” футболчини трансфер қилиш орқали максимал фойда олишни мақсад қилган.
Маълумот учун, Фермин Лопес ўтган мавсум “Барселона” сафида жами 46 ўйинда майдонга тушиб, 8 та гол ва 10 та ассистга муаллифлик қилган. Унинг клуб билан амалдаги шартномаси 2028 йилнинг ёзига қадар мўлжалланган. Transfermarkt портали футболчининг қийматини 50 миллион еврога баҳоламоқда.
Изоҳ (0)