Kornell universiteti olimlari sirli galaktikalararo obyekt 2025-yil noyabr oyida Yerga yetib kelishi mumkinligini ma’lum qildi. Bu haqda ularning tadqiqotiga tayanib “RIA Novosti” xabar berdi.
Tadqiqotchilar prognoziga ko‘ra, obyekt texnologik artefakt bo‘lishi, hattoki faol intellektga ega bo‘lishi mumkin. Bu esa uning maqsad va harakatlarini oldindan bashorat qilish deyarli imkonsizligini anglatadi. Obyekt ilk bor 2025-yil 1-iyul kuni kuzatuvlar vaqtida aniqlangan.
Bunday favqulodda holatlarda insoniyat hech qanday harakat qilmasdan, ushbu aql-idrokka ega obyektni ochiq bag‘ir bilan kutib olishi kerak, deydi olimlar.
Biroq ushbu tadqiqot ilmiy hamjamiyatda jiddiy tanqidga uchragan. Boshqa olimlar fikricha, o‘zga sayyoralik deb taxmin qilinayotgan obyekt aslida oddiy kometada bo‘lishi mumkin.
Barcha mavjud dalillar shuni ko‘rsatadiki, bu boshqa bir yulduz tizimidan uchib chiqqan oddiy kometa. Xuddi bizning Quyosh tizimimizdan milliardlab kometalar uchib chiqqani kabi, degan Rejina universiteti astronomiya professori Samanta Louler The New York Post nashriga bergan izohida.
Mutaxassislar jamoatchilikni hali ilmiy ekspertizadan o‘tmagan ushbu maqolaga ehtiyotkorlik bilan, shubha bilan qarashga chaqirmoqda.
Izoh (0)