“Муҳташам юз йил” сериалидаги шаҳзода Мустафо образи билан танилган актёр Меҳмет Гунсур “Ҳасад” номли сериалда бош ролни ижро этади.
50 ёшли актёр бугунги кунга қадар қарийб 40 та лойиҳада иштирок этган ва яқин кунларда мухлислар актёрни янги кўп қисмли сериалда кўришга муваффақ бўлади.
Сериал ёзувчи Ноҳит Сирри Орикнинг шу номдаги романига асосланган бўлиб, лойиҳа режиссёри Надим Гуч, сценарий муаллифи эса Йилмаз Шаҳиндир. Улар роман асосидаги воқеаларни экранлаштириш устида иш олиб бормоқда.
Сериал сюжети оиласи ва, айниқса, акасининг босими сабабли шахсий ҳаётини қура олмаган аёл тақдирини ёритади. У йиллар давомида қариндошлари истагига кўра яшаб келади ва юрагида нафрат тўпланиб қолади. Бироқ бир кун келиб акасининг ёш рафиқаси унга хиёнат қилаётганини билиб қолади ва бу ҳақиқатни ҳаммага ошкор этишга қарор қилади.
Меҳмет Гунсур ушбу сериалда ўша золим ака — синглиси қасос оладиган образни яратади. Сериалдаги бошқа актёрлар қаторида Ўзгу Намал, Салоҳиддин Пашали, Беррак Тузюнатач ва Бора Женгиз ҳам бор.
“Ҳасад” сериалининг премераси 2025 йил кузида бўлиб ўтади. Кўрсатув NOW телеканалида намойиш этилади. Лойиҳа аллақачон янги мавсумнинг энг кутилган сериалларидан бири сифатида тилга олинмоқда.
Изоҳ (0)