TBC Bank ва “Шарқ Аёли” Халқаро Аёллар Жамғармаси хайрия ташаббуси натижаларини эълон қилди. Унга кўра, Тошкент вилоятидан 800 нафар аёл тадбиркор онлайн бизнес асослари ва бизнесда сунъий интеллект имкониятлари бўйича ўқув курсларини тамомлади. Ушбу лойиҳа Ўзбекистон Республикаси Вазирлар Маҳкамаси ҳузуридаги Оила ва хотин-қизлар қўмитасининг кўмаги билан амалга оширилди.
-xf-yy_w0.avif)
Халқаро хотин-қизлар куни арафасида TBC Bank Бранд Analytics хизмати ёрдамида очиқ манбаларда аёлларга бағишлаб ёзилган табриклар сонини аниқлади. Ҳар бир табрик — жами 191 412 та — 1 000 сўмдан ҳисобланиб, қишлоқ ҳудудларидаги аёлларнинг иқтисодий фаоллигини ошириш ҳамда уларни рақамли технологиялардан самарали фойдаланишга ўргатиш мақсадида тадбирлар ташкил қилиш учун Шарқ Аёли фондига жами 191 412 000 сўм маблағ ажратилди.
TBC Bank маркетинг директори Нодира Шерматова:
“Биз рақамли кўникмалар ва молиявий саводхонлик аёлларнинг иқтисодий мустақиллигига олиб борувчи асосий омиллар эканига ишонамиз. “Шарқ Аёли” жамғармаси билан ҳамкорлигимиз кичик шаҳар ва қишлоқлардаги аёлларга янги бозорларга чиқиш ҳамда рақамли воситалардан йирик компаниялар каби ишонч билан фойдаланиш имконини беради”.
Учрашувлар Нурафшон шаҳри ҳамда Тошкент вилоятининг Пискент, Қибрай, Паркент, Оққўрғон, Қуйичирчиқ, Ўртачирчиқ ва Юқоричирчиқ туманларида ўтказилди
Тренинг давомида иштирокчилар электрон тижорат асослари, ижтимоий тармоқларда бизнес юритиш, талабни таҳлил қилиш ва захираларни бошқаришда сунъий интеллектдан фойдаланиш усуллари билан танишишди. Бундан ташқари, ҳар бир қатнашчи қуйидагиларга эга бўлди:
- молиявий бошқарув ва ҳужжат айланиши бўйича CFO.UZ платформаси билан ишлаш йўриқномаси;
- Ҳовлее онлайн платформаси орқали ўз маҳсулот ва хизматларини тақдим этиш имконияти;
- молиявий саводхонлик ва бизнес учун банк хизматлари бўйича маслаҳатлар.
Тренинг иштирокчиси, “Cаке Шоп” қандолат махсулотлари билан таъминлаш дўкони эгаси Феруза Усмонова:
“Олти йил аввал ўз иш фаолиятимни бошламоқчи бўлганимда кичик бизнесни қўллаб-қувватлаш тизими ҳали энди шаклланаётган эди. Кичик бизнеслар учун кредитлар деярли мавжуд эмасди. Тренингда мен кредит олиш жараёни энди анча осон, очиқ ва қулай бўлганидан хабардор бўлдим. Бугун ўз бизнесини бошламоқчи бўлганлар учун имкониятлар жуда кўп”.
Тренинг иштирокчиси, Нурафшондаги тадбиркорлик маркази раҳбари ва “Шабнам Моҳигул” фитнес клублари эгаси Моҳигул Арзикулова:
“Бизда кўпинча ҳужжат ишлари билан шуғулланишга вақт бўлмайди. Кредит олиш учун ҳужжат тайёрлаш, навбат кутиш, турли талаблар — буларнинг барчаси кўп вақт ва куч талаб қилади. TBC Business ушбу жараённи соддалаштирган, бу айниқса оила ва ишни бирга олиб бораётган аёллар учун жуда муҳим, чунки уларнинг ҳар бир дақиқаси ҳисобда”.
Ташаббус TBC Bank томонидан тадбиркорликни ривожлантириш ва молиявий ресурслардан фойдаланишда гендер тенгсизликни камайтириш йўлида олиб борилаётган дастурининг мантиқий давомидир. 2024 йил ноябрь ойида банк гендер тенглиги бўйича дунёдаги энг йирик Глобал Гендер-Смарт Фундъдан аёллар бизнесини ривожлантириш учун кредит жалб қилди. 2025 йилнинг биринчи чорагида эса 36 минг нафар аёл TBC Bank орқали ўз бизнесини бошлаш учун кредит олган.
Реклама ҳуқуқи асосида.
Изоҳ (0)