Кўпчилик Lamborghini компанияси ўз йўлини қишлоқ хўжалиги техникаларини ишлаб чиқаришдан бошлаганини билмаса керак. Бугунга қадар Lamborghini’нинг баъзи тракторлари сақлаб қолинган бўлиб, 1965 йилда ишлаб чиқарилган моделлардан бири Hemmings аукционида кимошди савдосига қўйилди, деб хабар беради Autorambler.
Айни вақтда ушбу трактор қарийб 5 минг долларга баҳоланмоқда.
Трактор занжирли узатма ёрдамида ишлайди ва 26 от кучига эга икки цилиндрли ноодатий Lamborghini матори ёрдамида ҳаракатга келади. Двигателга механик узатмалар қутиси «ҳамроҳлик» қилади. 55 йил давомида машина 3,4 минг километр масофа босган.
Lamborghini ҳозирга қадар трактор ишлаб чиқариш билан шуғулланади — унинг Società Accomandita Motori Endotermici ёки SAME деб аталувчи компанияси мавжуд.
Компания асосчиси Ферруччо Ламборгинида суперкарлар ишлаб чиқариш фикрини Энцо Феррари туғдирган. Ламборгини Ferrari автомобилларининг ашаддий мухлиси бўлган ва суперкарларни жиҳозлаш бўйича Феррарига бир неча маслаҳатлар беришга қарор қилган. Бироқ Ferrari раҳбари кескин жавоб қайтарган: у трактор ишлаб чиқарувчининг гапига қулоқ тутмаслигини ва Ламборгинига ўзининг суперкарини яратишни маслаҳат берган.
Мавзуга доир: Lamborghini янги гиперкарининг видеосини тақдим этди
Изоҳ (0)