“Ўзбеккўмир” АЖга қарашли Ангрен кўмир кони захираси 1 миллиард тоннадан ортиқ экани маълум бўлди. Бу ҳақда “Ўзбеккўмир” АЖ бош геологи Эркин Жўраев ОАВ вакиллари билан бўлган мулоқотда гапириб берди.
Кеча, 2025 йилнинг 18 февраль куни журналистлар ва блогерлар учун “Ўзбеккўмир” АЖ ҳамда Ангрен кўмир конига пресс-тур ташкил этилди.
-JeuJodsV.jpg)
-xS2FWnVy.jpg)
Пресс-тур жараёнида “Ўзбеккўмир” АЖ раҳбарияти республика кўмир саноати соҳасида амалга оширилаётган ишлар ҳақида маълумот берди.
-4cvntFpu.jpg)
Таъкидланишича, Ангрен кўмир кони 1948 йили очилган бўлиб, ўтган давр мобайнида 2 миллиард куб метрдан ортиқ кон очиш ишлари бажарилиб, 200 миллион тоннадан ортиқ кўмир қазиб олинган.
“Ўзбеккўмир” АЖ бош геологи Эркин Жўраевнинг айтишича, конда айни пайтда қазиб олишга тайёр захира 1 миллиард тоннадан ортиқ бўлиб, янги конлар ва қазилиши режа қилинган конлардаги умумий захира эса 2 миллиард тоннага етади.
-xao_JYyN.jpg)
Ангрен кўмир конида йилига ўзбекистонликларнинг кўмирга бўлган эҳтиёжининг 85 фоизини қоплашга етарли кўмир қазиб олинади, дейди масъул.
-XisP5Ka-.jpg)
Тадбир давомида, шунингдек, маҳаллий кўмир сифати, хонадон шароитида кўмирни тўғри сақлаш, ундан фойдаланиш қоидалари ҳақида тавсиялар берилди. Кон очиш жараёнида кўмирдан ташқари соз тупроқ, оҳактош, қизғиш, кулранг ва иккиламчи каолинлар ҳамда норуда материаллар қазиб олиниши, мазкур фойдали қазилмаларни тўплаш, саралаш, бойитиш орқали қурилиш материаллари, керамика чиннисозлик соҳалари ишлаб чиқарувчиларига етказиб бериш мумкинлиги таъкидланди.
Изоҳ (0)