“Barselona” va Ispaniya terma jamoasining 17 yoshli hujumchisi Lamin Yamal Birlashgan Millatlar Tashkilotining Bolalar jamg‘armasi (UNICEF) elchisiga aylandi. Bu haqda futbolchining o‘zi ijtimoiy tarmoqlarda maʼlum qildi.
Videoda Yamal ukasi Keynga bolalar huquqlari haqida yozgan maktubini o‘qiydi.
“Bugun men senga va butun dunyodagi har bir bolaga murojaat qilaman: hech qachon o‘ynashni unutma”, degan ispaniyalik video izohida.
Maʼlumot uchun, “Barselona” futbolchisi joriy mavsumda barcha turnirlarda 16 o‘yin o‘tkazib, 6 ta gol urdi va 8 ta golli pas uzatdi.
Izoh (0)