Дунёда гилам ишлаб чиқариш бўйича топ-3 да турадиган компания ТАF!24 фестивалида ребрендинг тақдимотини ўтказди. Лойиҳа концепциясини Depot брендинг агентлиги ишлаб чиққан.
SAG — машҳур гилам ишлаб чиқарувчи корхона бўлиб, хом ашё ва иплар тайёрлашдан тортиб, тайёр маҳсулотгача бўлган барча жараёнларни ўзи амалга оширади. Бугунги кунда САГ ўз соҳасида дунёда топ-3 таликдан ўрин эгаллаб келмоқда. Халқаро бозорларга глобал кенгайиш йўлида САГ ўз бренд-позициясини ва айдентикасини янгиламоқда.
SAG янгича қарашларига кўра, ушбу бренд энди нафақат ўз соҳасида, балки бутун бозорда ҳам янги даражани белгилаб беришга интилади.
SAG жамоаси таъкидлаганидек: “Янги позицияланиш ва ребрендинг — бу бизнинг бозорни ўзгартириш ва барча йўналишларда, жумладан, маҳсулот, коммуникация ҳамда мижозларимизнинг харид тажрибасини янги даражага олиб чиқиш йўлида қилган биринчи қадамимиздир. Биз Ўзбекистонни бутун дунёга танитадиган брендга айланишни ўз олдимизга мақсад қилганмиз”.
Depot жамоаси лойиҳа ҳақида сўзлаб, айдентика концепциясининг асосида анъаналарни сақлаб қолиш ва уларни замонавий талқин қилиш, шунингдек, бугунги кун контекстида долзарб бўлган усулларни янги даражага олиб чиқиш ғояси ётганини таъкидлаб ўтди.
“Логотип учун биз турли хил ҳарфлар ва стилистик услубларни ўзида мужассам этувчи ноёб шрифт яратдик. Ҳарфларда пайдо бўладиган учбурчак шаклидаги элементлар шрифтга замонавий ва геометрик кўриниш беради. Шу билан бирга, ёзув ва график элементларини ўзаро боғлайди ва гиламларнинг нафақат функсионал, балки эстетик ва декоратив аҳамиятини ҳам ёдга солади”.
Бир-бирига қараган “с” ва “а” ҳарфлари ритмик уйғунлик ҳосил қилиб, анъанавий гилам нақшларидаги декоратив элементни эслатади. Ранглар палитраси ёрқин кўк ранг асосида шаклланган бўлиб, у бренднинг мавжуд ранг схемаси билан боғланган ва беж ранглар билан уйғунлашган. Бу ранглар уйғунлиги компаниянинг ватани — Самарқанднинг меъморий ва табиий ранглар уйғунлигини ёдга солади.
Бренднинг кенгайтирилган ранглар палитраси кўплаб ёрқин рангларни ўз ичига олади, бу эса бренд графикаси ва маҳсулот дизайнига ранг-баранглик бахш этади. Стилистик графика доимий ҳаракатда бўлиб, технологиялар билан ҳамнафас ривожланаётган ассортиментнинг узлуксиз янгиланиши ва хилма-хиллигини акс эттиради. Махсус графика турли нақшлардан тикилган матолардан ташкил топган бўлиб, Буюк Ипак йўлининг Ўзбекистон гилам тўқимачилиги ривожига бўлган катта таъсирини ҳам ифодалайди.
SAG ребрендинг жараёнини аллақачон бошлаган: бренд ўз дўконларини янгилаш ишларига киришди — масалан, ҳозирда янги SAG XL Сергели дўконига ташриф буюриш мумкин. Шунингдек компания эндиликда бошқа мамлакатлардаги савдо нуқталари ҳам шу тарзда босқичма босқич янгисини режалаштирган.
Изоҳ (0)