Ўзбекистон жорий йилнинг январь-август ойларида хориждан қиймати 912 миллион долларга тенг бўлган 48 минг 55 дона енгил автомобиль импорт қилган. Бу ҳақда Статистика агентлиги ахборот хизмати хабар бермоқда.
Берилган маълумотга кўра, енгил автомобиль импорти ўтган йилнинг мос даврига нисбатан 8 минг 352 тага ошган.
Энг кўп енгил автомобиль импорт қилинган давлатлар:
- Хитой – 38 минг 85 та;
- Корея – 8 минг 729 та;
- АҚШ – 622 та;
- Япония – 139 та;
- Германия – 104 та.
Аввалроқ январь-август ойларида хориждан қиймати 166,8 миллион долларлик 12 минг 913 та электромобиль импорт қилингани ҳақида хабар берилган эди. Электромобиль бозорида ҳам Хитой етакчилик қилмоқда.
Изоҳ (0)