Саудия Арабистонида кўнгилочар ишлар бўйича бош бошқармаси раиси Турки ал аш-Шейх ягона бокс лигасини ташкил этмоқчи.
“Келажак учун режаларимиз бор. Суперлигага ўхшаш нимадир ташкил қилмоқчимиз. Камарлар ҳақида гапирмаяпмиз. Бироқ, 68 нафар жаҳон чемпиони — ҳаддан зиёд ортиқ. WBC, WBA, IBF, WBO — барчаси вазиятни қўлга олиши лозим. Бу боксга зарар етказади. Суперчемпион бўлмайди.
Вазиятни ўзгартиришимиз керак. Томошабинга ҳам бу ёқмайди. Гўёки, телевизорни ёқсангиз, ҳамма чемпионга айланаётгандек. Боксчиларни камар тақиб суратга тушаётганини кўп кўряпмиз”, — дейди аш-Шейх.
Аввалроқ беш категория бўйича собиқ жаҳон чемпиони Флойд Мейвезер (50-0) ҳам боксда чемпионлик камарларини камайтириш кераклигини таъкидлаган эди. У яқин орада бу муаммо ҳал қилинишига ишонишини маълум қилган.
Изоҳ (0)