Бугун, 30 июнь куни Бўстонлиқ туманидаги Чорвоқ соҳилида ўтказилган Республика инклюзив IT оромгоҳи якунига етди. Бу ҳақда “Замин” халқаро жамоат фонди хабар берди.
Оромгоҳда республиканинг барча ҳудудларидан келган 160 нафар бола 5 кун давомида веб-сайтлар яратиш, иловалар ишлаб чиқиш, тиббиётда 3D моделлаштириш, қишлоқ хўжалигида фойдаланиш учун учувчисиз учиш аппаратларини лойиҳалашда аэродинамика тамойилларини чуқур ўрганди. 3 мингдан ортиқ ўқувчи эса DotNet, No Coding, Frontend, Python, Flutter, Web Design каби йўналишлар бўйича онлайн машғулотларга қўшилди.
Зироат Мирзиёева болаларнинг иқтидорини қўллаб-қувватлаш учун оромгоҳ ёпилишига ташриф буюрди. Маросимда болалар ўзларининг дастлабки рақамли лойиҳалари ва ижодий ютуқларини намойиш этишди.
“Замин” фонди Васийлик кенгаши раиси ёш IT’чиларга ўз қобилиятларини янада ривожлантиришни ва танлаган касбларида муваффақиятли мутахассис бўлишларини тилади.
Изоҳ (0)