Мустақиллик байрами муносабати билан пойтахтдаги қайси истироҳат боғларида байрам тадбирлари ўтказилиши маълум қилинди

Ўзбекистон Республикаси мустақиллигининг 33 йиллиги муносабати билан пойтахтнинг 12 та туманида жойлашган истироҳат ва кўнгилочар боғларида халқ сайллари ҳамда оммавий байрам томошалари бўлиб ўтади.

Жумладан: 

• Бектемир туманидаги Cоcа-cоlа Garden боғи;
• Миробод туманидаги “Фурқат” маданият ва истироҳат боғи;
• Мирзо Улуғбек туманидаги Central Park;
• Сергели туманидаги Сергели марказий хиёбони;
• Олмазор туманидаги Беруний майдони;
• Учтепа туманидаги  Eko Seul боғи;
• Чилонзор туманидаги Dream Park истироҳат боғи;
• Юнусобод туманидаги “Узэкспомарказ” майдони;
• Шайхонтоҳур туманидаги “Наврўз” боғи;
• Яшнобод туманидаги “Ашхобод” истироҳат боғи;
• Янгиҳаёт туманидаги Green Park истироҳат боғи;
• Яккасарой туманидаги Миллатлараро муносабатлар ва хорижий мамлакатлар билан дўстлик алоқалари қўмитаси биносининг олд майдони. 

Истироҳат боғларида 2 сентябрь кунига қадар байрам томошалари режалаштирилган.

Ҳар бир боғ маъмурияти ўзининг имкониятларидан келиб чиқиб  қўшимча тадбирларни ҳам ташкил этади. Байрам томошалари 18:00 дан сўнг бошланади.