Meta компанияси асосчиси, миллиардер Марк Цукерберг рафиқаси Присилла Чанга бағишлаб яратилган ҳайкални совға қилди.
39 ёшли Присилла Чан гавдалантирилган 2 метрдан баланд бронза ҳайкалнинг муаллифи америкалик рассом ва ҳайкалтарош Даниел Аршамдир. У Снаркитеcтуре дизайн бюросининг асосчиси бўлиб, аввалроқ Tiffany & Cо каби машҳур бренд билан ҳамкорлик қилган.
Ҳайкалтарош Присиллани шамолда ҳилпираётган ва қанотга айланаётган кумуш либосда тасвирлаган. Ливерпуль музейи веб-сайтида таъкидланганидек, Рим даврида ҳайкаллар ва бюстлар кўпинча вафот этган яқинларини улуғлаш ёки “муҳим аҳамиятга эга қариндошлар”ни эъзозлаш учун яратилган.
Цукерберг рафиқаси ва унинг ҳайкали сурати туширилган постга:
“Аёлларга атаб ҳайкал ўрнатиш Рим анъанасини қайтармоқдамиз”, дея изоҳ қолдирган.
Марк Цукерберг ва Присилла Чан 2003 йилда талабалар кечасида танишган. Уларнинг иккиси ҳам Гарвардда таҳсил олган. 2012 йилда жуфтлик турмуш қурди: улар Присилланинг тиббиёт фанлари доктори даражасини олганини нишонлаш мақсадида яқинларини чақирди, аммо меҳмонлар Калифорниядаги эр-хотиннинг уйи ҳовлисида пайдо бўлганида улар аслида тўйда қатнашаётганликларини маълум қилишди.
Уч йилдан сўнг Цукерберг ва Чан Максима исмли қиз фарзандли бўлишди. Эр-хотиннинг яна икки нафар фарзанди — Августа ва Аурелия исмли қизлари бор. Кенжа фарзанд 2023 йилда туғилган.
Изоҳ (0)