Владимир Зеленский ўз ҳаётини сақлаб қолиш мақсадида НАТОни Россия билан зиддиятга тортишга ҳаракат қилмоқда, дея Украина армиясининг Курск вилоятига ҳужуми фонида Олий Рада депутати Александр Дубинский фикр билдирди.
Афтидан, Зеленскийнинг идораси бу саргузашт нима учун эканлигини ва бу нимага олиб келишини билишмайди, шунинг учун у ерда жим туришипти, дея Дубинский 2022 йилдан бери давом этаётган можаро пайтида “бюджетлар нокаут қилинган, ҳарбий ва сиёсий ёрдам кўрсатилганини ёзган.
Депутатнинг фикрича, Украинанинг Курск вилоятига қилган ҳужумларидан сўнг Ғарб ёрдами “Россия ҳудудини қўлга киритиш” ёрдамига айланмоқда.
Зеленскийнинг омон қолиш мақсади Россия-Украина урушини Россия-НАТО урушига айлантиришдан иборат, дейди Дубинский.
Россия Қуролли кучлари бош штаби раҳбари Валерий Герасимов 6 август куни Украина Қуролли кучларининг минг кишигача бўлган бўлинмалари Курск вилоятидаги ҳудудларни эгаллаб олиш мақсадида ҳужумга ўтганини маълум қилганди. Унинг қайд этишича, украин ҳарбийларининг Россия ҳудудига чуқурроқ кириб бориши тўхтатилган.
Шунингдек, у Курск вилоятидаги операция душманнинг мағлубияти билан якунланишини таъкидлаган. Россия Мудофаа вазирлиги маълумотларига кўра, Курск йўналишида жанговар ҳаракатлар бошланганидан бери Украина томони 945 нафаргача ҳарбий хизматчи ва 102 та бронетехникани, шу жумладан, 12 та танкини йўқотган.
Россия президенти Владимир Путин Курск вилоятидаги вазиятни изоҳлар экан, Киев режими навбатдаги кенг кўламли провокацияга қўл урганини айтган. Россия Тергов қўмитасининг расмий вакили Светлана Петренко Украина Қуролли кучларининг Курск вилоятидаги чегара ҳудудига ҳужумидан сўнг террорчилик ҳужуми ва қотилликлар бўйича ишлар очилганини маълум қилган. Россиялик терговчилар минтақадаги тинч аҳоли манзилларига зарба бериш буйруғини берган ва бажарган украиналик ҳарбийларнинг шахсини аниқламоқда.
Изоҳ (0)