Ўзбекистон президентининг Қозоғистонга давлат ташрифи, Наманганда кесарча кесиш йўли билан она бўлган аёл қорнида тиббий дока, резина қўлқоп қолиб кетиши, янги таҳрирда қабул қилинган “Электр энергетикаси тўғрисида”ги қонун — “Дарё” нашри бугун, 8 августда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистон ва Қозоғистон ўртасида иқтисодий битим тасдиқланди
Ҳужжат билан “Марказий Осиё” халқаро саноат кооперацияси маркази эркин иқтисодий зонаси ташкил этилади.
Тошкент вилоятида Damas 6 ёшли болани уриб юборди
Бола турли тан жароҳатлари олиб, туман марказий шифохонасига ётқизилган.
Қозоғистонда Шавкат Мирзиёевни расмий кутиб олиш маросими бўлиб ўтди (фото)
Олий мартабали меҳмон шарафига фахрий қоровул саф тортди. Икки давлат мадҳиялари янгради. Президентлар фахрий қоровул сафи олдидан ўтди. Биргаликда суратга тушилди.
Ўзбекистон ва Қозоғистон президентлари минтақавий ва халқаро аҳамиятга молик масалалар юзасидан фикр алмашди
Шавкат Мирзиёев ва Қосим-Жўмарт Тўқаев тор доирада музокара ўтказди.
Фарғонада ўқишга киритиб қўйиш учун 6,6 минг доллар олган ўқитувчи ушланди
Қорақалпоғистонда ҳам ўқишга киритиб қўйиш эвазига пул олган ўқитувчи қўлга тушди.
Ўзбекистон ва Қозоғистон президентлари Олий давлатлараро кенгашнинг биринчи мажлисини ўтказди
Шавкат Мирзиёев буни икки мамлакат ўртасидаги стратегик шериклик ва иттифоқчилик муносабатлари ривожида тарихий воқеа деб атади.
Шавкат Мирзиёев Қозоғистоннинг олий давлат мукофоти билан тақдирланди
Қосим-Жўмарт Тўқаев унга “Олтин қирон” олий орденини тантанали равишда топширди.
“Музей таъмири ва суратларнинг сотувга чиқиши ўртасида боғлиқлик йўқ”. Интернетда сотилаётган қимматбаҳо асарлар юзасидан изоҳ берилди
Ижтимоий тармоқларда Ўзбекистон давлат санъат музейининг таъмир учун ёпилиши ортидан қимматбаҳо асарларнинг сотуви бошлангани айтилган хабарлар тарқалди.
Наманганда кесарча кесиш йўли билан она бўлган аёл қорнида тиббий дока, резина қўлқоп қолиб кетгани маълум бўлди
Бу ҳақда “Дарё”га маълум қилган Нозим Абдуллага кўра, унинг синглиси соғлиғидан хавотир олиб, Соғлиқни сақлаш вазирлигига қилаётган мурожаатлари жавобсиз қолмоқда.
Август якунига қадар Ўзбекистон—Қозоғистон товар айирбошлаш ҳажмини кескин оширишга қаратилган комплекс дастур қабул қилинади
ОАВ вакиллари билан учрашувда Ўзбекистон ва Қозоғистон президентлари бўлиб ўтган музокаралар якунларига изоҳ берди.
Ўзбекистон президентининг Қозоғистонга ташрифи давомида қандай ҳужжатлар имзолангани маълум қилинди
Олий давлатлараро кенгашнинг биринчи мажлиси якунида икки томонлама ҳужжатларни имзолаш маросими бўлиб ўтди.
“Пенсия учун давлат бюджетидан кўп маблағ ажратилаётгани хавотирли” — иқтисодчилар
Абдулла Абдуқодиров ва Отабек Бакиров суҳбатида қатор иқтисодий масалалар, хусусан, пенсия тизимини ислоҳ қилиш ҳақида гап борди.
Ўзбекистон ва Қозоғистон президентлари Алишер Навоий ҳайкалининг очилиш маросимида иштирок этди
Шавкат Мирзиёев Қосим-Жўмарт Тўқаевнинг Алишер Навоийга ҳайкал ўрнатиш ташаббуси учун самимий миннатдорлик билдирди.
Қашқадарёда якшанба куни ишга чиқиб, иш вақтида вафот этган ободонлаштириш ходими оиласига 167 млн сўм моддий ва маънавий зарар ундириб берилди
Уч фарзанднинг отаси бўлган Бобур Шералиев ўлимига қадар 12 йил давомида Қарши шаҳар Ободонлаштириш бошқармасида ишлаб келган.
“Электр энергетикаси тўғрисида”ги қонун янги таҳрирда қабул қилинди. Нималар белгиланди?
Хусусан, қабул қилинган тарифлар ва тўловлар кучга киришидан камида 15 кун олдин эълон қилинади.
Шавкат Мирзиёев Марказий Осиё ва Озарбайжон санъат усталарининг “Дўстлик кечаси” тантанали концертида иштирок этди (фото)
Фольклор-этнографик ансамбллар ва эстрада санъаткорларининг ранг-баранг чиқишлари халқларнинг маданий яқинлигини намоён этди.
Изоҳ (0)