O‘zbekiston prezidentining Qozog‘istonga davlat tashrifi, Namanganda kesarcha kesish yo‘li bilan ona bo‘lgan ayol qornida tibbiy doka, rezina qo‘lqop qolib ketishi, yangi tahrirda qabul qilingan “Elektr energetikasi to‘g‘risida”gi qonun — “Daryo” nashri bugun, 8-avgustda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekiston va Qozog‘iston o‘rtasida iqtisodiy bitim tasdiqlandi
Hujjat bilan “Markaziy Osiyo” xalqaro sanoat kooperatsiyasi markazi erkin iqtisodiy zonasi tashkil etiladi.
Toshkent viloyatida Damas 6 yoshli bolani urib yubordi
Bola turli tan jarohatlari olib, tuman markaziy shifoxonasiga yotqizilgan.
Qozog‘istonda Shavkat Mirziyoyevni rasmiy kutib olish marosimi bo‘lib o‘tdi (foto)
Oliy martabali mehmon sharafiga faxriy qorovul saf tortdi. Ikki davlat madhiyalari yangradi. Prezidentlar faxriy qorovul safi oldidan o‘tdi. Birgalikda suratga tushildi.
O‘zbekiston va Qozog‘iston prezidentlari mintaqaviy va xalqaro ahamiyatga molik masalalar yuzasidan fikr almashdi
Shavkat Mirziyoyev va Qosim-Jo‘mart To‘qayev tor doirada muzokara o‘tkazdi.
Farg‘onada o‘qishga kiritib qo‘yish uchun 6,6 ming dollar olgan o‘qituvchi ushlandi
Qoraqalpog‘istonda ham o‘qishga kiritib qo‘yish evaziga pul olgan o‘qituvchi qo‘lga tushdi.
O‘zbekiston va Qozog‘iston prezidentlari Oliy davlatlararo kengashning birinchi majlisini o‘tkazdi
Shavkat Mirziyoyev buni ikki mamlakat o‘rtasidagi strategik sheriklik va ittifoqchilik munosabatlari rivojida tarixiy voqea deb atadi.
Shavkat Mirziyoyev Qozog‘istonning oliy davlat mukofoti bilan taqdirlandi
Qosim-Jo‘mart To‘qayev unga “Oltin qiron” oliy ordenini tantanali ravishda topshirdi.
“Muzey ta’miri va suratlarning sotuvga chiqishi o‘rtasida bog‘liqlik yo‘q”. Internetda sotilayotgan qimmatbaho asarlar yuzasidan izoh berildi
Ijtimoiy tarmoqlarda O‘zbekiston davlat san’at muzeyining ta’mir uchun yopilishi ortidan qimmatbaho asarlarning sotuvi boshlangani aytilgan xabarlar tarqaldi.
Namanganda kesarcha kesish yo‘li bilan ona bo‘lgan ayol qornida tibbiy doka, rezina qo‘lqop qolib ketgani ma’lum bo‘ldi
Bu haqda “Daryo”ga ma’lum qilgan Nozim Abdullaga ko‘ra, uning singlisi sog‘lig‘idan xavotir olib, Sog‘liqni saqlash vazirligiga qilayotgan murojaatlari javobsiz qolmoqda.
Avgust yakuniga qadar O‘zbekiston—Qozog‘iston tovar ayirboshlash hajmini keskin oshirishga qaratilgan kompleks dastur qabul qilinadi
OAV vakillari bilan uchrashuvda O‘zbekiston va Qozog‘iston prezidentlari bo‘lib o‘tgan muzokaralar yakunlariga izoh berdi.
O‘zbekiston prezidentining Qozog‘istonga tashrifi davomida qanday hujjatlar imzolangani ma’lum qilindi
Oliy davlatlararo kengashning birinchi majlisi yakunida ikki tomonlama hujjatlarni imzolash marosimi bo‘lib o‘tdi.
“Pensiya uchun davlat byudjetidan ko‘p mablag‘ ajratilayotgani xavotirli” — iqtisodchilar
Abdulla Abduqodirov va Otabek Bakirov suhbatida qator iqtisodiy masalalar, xususan, pensiya tizimini isloh qilish haqida gap bordi.
O‘zbekiston va Qozog‘iston prezidentlari Alisher Navoiy haykalining ochilish marosimida ishtirok etdi
Shavkat Mirziyoyev Qosim-Jo‘mart To‘qayevning Alisher Navoiyga haykal o‘rnatish tashabbusi uchun samimiy minnatdorlik bildirdi.
Qashqadaryoda yakshanba kuni ishga chiqib, ish vaqtida vafot etgan obodonlashtirish xodimi oilasiga 167 mln so‘m moddiy va ma’naviy zarar undirib berildi
Uch farzandning otasi bo‘lgan Bobur Sheraliyev o‘limiga qadar 12 yil davomida Qarshi shahar Obodonlashtirish boshqarmasida ishlab kelgan.
“Elektr energetikasi to‘g‘risida”gi qonun yangi tahrirda qabul qilindi. Nimalar belgilandi?
Xususan, qabul qilingan tariflar va to‘lovlar kuchga kirishidan kamida 15 kun oldin e’lon qilinadi.
Shavkat Mirziyoyev Markaziy Osiyo va Ozarbayjon sanʼat ustalarining “Do‘stlik kechasi” tantanali konsertida ishtirok etdi (foto)
Folklor-etnografik ansambllar va estrada sanʼatkorlarining rang-barang chiqishlari xalqlarning madaniy yaqinligini namoyon etdi.
Izoh (0)