Тошкент шаҳар Яккасарой ва Сергели туманларидаги савдо дўконларидан акциз маркасиз тамаки маҳсулотлари ашёвий далил сифатида олинди, деб хабар бермоқда Прокуратура департаменти ахборот хизмати.
Бош прокуратура ҳузуридаги департаментнинг Яккасарой туман бўлими томонидан ўтказилган тезкор тадбирда ЯТТ “А.Н.”га тегишли савдо дўкони сотувчиси Н.А. харидорга 1 қути “Р1” номли тамаки маҳсулотини 100 минг сўмга сотган вақтида ушланиб, ушбу савдо дўконидан 50 турдаги 2 535 қути тегишли ҳужжатлари бўлмаган тамаки маҳсулотлари ашёвий далил сифатида олинган.
Шу каби, департаментнинг Сергели туман бўлими томонидан ўтказилган тезкор тадбирда “Р-А.” хусусий корхонаси савдо дўконидан 673 қути акциз маркасиз тамаки маҳсулотлари ашёвий далил сифатида олинган.
Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)