Рақобат қўмитаси томонидан назорат хариди учун савдо шохобчаларидан 9 номдаги озиқ-овқат маҳсулотларидан намуналар харид қилинди ва аккредитациядан ўтган лабораторияларга синовдан ўтказиш учун тақдим этилди.
Маҳсулотларнинг сифати ва хавфсизлиги бўйича Санитария-эпидемиологик осойишталик ва жамоат саломатлиги қўмитасининг Миллий “Referens” ва “Техnostandart–NEO” МЧЖ ҳузуридаги аккредитациядан ўтган лаборатория хулосаларини берди.
Синов натижаларида 9 номдаги озиқ-овқат маҳсулотларидан 8 номдагиси яъни уларнинг 88 фоизи амалдаги техник жиҳатдан тартибга солиш ҳужжатларига номувофиқлиги маълум бўлди.
Жумладан, техник регламент ёки стандарт талаблари бўйича камчиликлар маҳсулотнинг таркиби, ёрлиқ ва қадоқланиши билан боғлиқ бўлиб, қуйидаги ишлаб чиқарувчи корхоналарга тегишли экани аниқланди:
- “Бруни” шоколадли кекс маҳсулоти — ишлаб чиқарувчи корхона “Аlmerrо Group” МЧЖ;
- “Селлатилган мол гўшти олий нав” Консерваланган мол гўшти маҳсулоти — ишлаб чиқарувчи корхона “Мармакс” ҚК МЧЖ;
- “БИО кефир” кефир — ишлаб чиқарувчи корхона “DIL-BAH DAIRY GROUP” МЧЖ;
- “Қанд” маҳсулоти — ишлаб чиқарувчи корхона “Prima industries group” МЧЖ;
- “Черноголовка” газланган салқин ичимлик — ишлаб чиқарувчи корхона “Aqua Products” МЧЖ ҚК;
- “Урусса” кунгабоқар ёғи — ишлаб чиқарувчи корхона “Ресурс” мой экстракция заводи;
- “Кунжутное масло” ёғ маҳсулоти — ишлаб чиқарувчи корхона “Махмаджон Нурафшон” ХК;
- “Седана ёғи” ёғ маҳсулоти — ишлаб чиқарувчи корхона “Махмаджон Нурафшон” ХК.
Аниқланган камчиликларни бартараф этиш ва сифатсиз маҳсулотларнинг сотилишига чек қўйиш юзасидан Қўмита томонидан ишлаб чиқарувчи корхоналарга тегишли чоралар кўрилмоқда.
Изоҳ (0)