Ўзбекистон футзал миллий терма жамоаси 9—16 август кунлари Португалияда йиғин ўтказади.
Хосе Венансио Лопес жамоаси 11 ва 15 августда Жаҳон чемпионати иштирокчиси Анголага қарши, 16 августда эса амалдаги жаҳон чемпиони Португалияга қарши баҳс олиб боради.
Учрашувлар рўйхати:
11 август. Ўзбекистон — Ангола;
15 август. Ўзбекистон — Ангола;
16 август. Португалия — Ўзбекистон.
Ўзбекистон футзал жамоаси Тошкентда бўлиб ўтган Мираброр Усмонов кубоги хотира турнири финалида Гватемала устидан ғалаба қозониб бош совринни қўлга киритган эди.
Футзал бўйича жаҳон чемпионатида Ўзбекистон мезбон ҳисобланади. А гуруҳидан ўрин олган Хосе Венансио Лопес шогирдлари биринчи ўйинни 14 сентябрь куни Нидерландияга қарши ўтказади.
Изоҳ (0)