Бугунги кунда Ўзбекистон хом ашё экспортидан воз кечиб, ташқи бозорга юқори қўшимча қийматга эга маҳсулотлар етказиб беришни бошламоқда.
Ўзбекистон Республикаси Статистика агентлигининг маълумотларига кўра, 2024 йилнинг январь март ойларида мамлакатимиз экспорти таркибида саноат маҳсулотларининг улуши 16% ни ташкил этади, саноат маҳсулотларининг умумий экспорти эса 1 миллиард доллардан ошди.
BENKAM ишлаб чиқариш мажмуаси юқори технологик маҳсулотларни яратилаётган ва жаҳон бозорида муваффақиятли фаолият юритаётган Ўзбекистондаги етакчи корхоналардан бири ҳисобланади.
AKFA Group холдинги таркибига кирувчи BENKAM ишлаб чиқариш мажмуаси 2015 йилда ташкил этилган. Қисқа вақт ичида BENKAM юқори технологияли алюминий маҳсулотлари ишлаб чиқаришини йўлга қўйди.
Ҳозирда BENKAM қурилиш, транспорт ва авиация, энергетика каби соҳалар учун алюминий маҳсулотларини ишлаб чиқаради. Марказий Осиёдаги етакчи алюминий профил ишлаб чиқарувчилардан бири бўлиб, BENKAM бугунги кунда АҚШ, Канада ва Европа Иттифоқи, Марказий Осиё мамлакатларига ўз маҳсулотларини етказиб бермоқда.
BENKAMънинг АҚШ бозоридаги янги ҳамкори — Американинг машҳур Липперт компанияси бўлди. Эришилган келишувларга кўра, BENKAM заводида сув, темир йўл ва юк транспорти ҳамда трейлерлар учун алюминий бутловчи қисмлар ишлаб чиқарилади.
Липперт ҳақида
Липперт 1956 йилда АҚШда ташкил этилган. Бугунги кунда Липперт транспорт саноати учун бутловчи қисмларнинг етакчи ишлаб чиқарувчиси ва етказиб берувчиси ҳисобланади. Липперт маҳсулотлари трейлер саноатида, шунингдек, автомобилсозлик, кемасозлик ва қурилиш саноатида қўлланилади. Кенг ишлаб чиқариш имкониятларига эга бўлган Липперт туризм саноати, қишлоқ хўжалиги ва мудофаа саноати учун ҳам маҳсулотлар ишлаб чиқаради.
Липперт Шимолий Америка, Африка ва Европада жойлашган 140 дан ортиқ ишлаб чиқариш мажмуалари ва дистрибюторлик марказларига эга. 2023 йил якунлари бўйича Липпертънинг соф фойдаси 3,8 миллиард доллардан ошди.
BENKAM ва Липперт ўртасидаги ҳамкорлик Ўзбекистон саноати учун янги имкониятлар очади. BENKAM ўз тарихида биринчи марта транспорт саноати учун юқори технологияли бутловчи қисмларни ишлаб чиқаришни бошлайди. Бу факт Ўзбекистонда ишлаб чиқарилаётган юқори қўшимча қийматга эга маҳсулотлар жаҳон стандартларга тўлиқ жавоб беришини англатади.
Бироқ бу фақат бошланиши. BENKAM компаниясининг яқин келажакдаги режалари ишлаб чиқаришни янада такомиллаштириш ва модернизация қилиш, шунингдек, Шимолий Америка ва Европа Иттифоқи бозорларида ўз улушини оширишдан иборат.
Реклама ҳуқуқи асосида.
Изоҳ (0)