Bugungi kunda O‘zbekiston xomashyo eksportidan voz kechib, tashqi bozorga yuqori qo‘shimcha qiymatga ega mahsulotlar yetkazib berishni boshlamoqda.
O‘zbekiston Respublikasi Statistika agentligining ma’lumotlariga ko‘ra, 2024-yilning yanvar-mart oylarida mamlakatimiz eksporti tarkibida sanoat mahsulotlarining ulushi 16% ni tashkil etadi, sanoat mahsulotlarining umumiy eksporti esa 1 milliard dollardan oshdi.
BENKAM ishlab chiqarish majmuasi yuqori texnologik mahsulotlarni yaratilayotgan va jahon bozorida muvaffaqiyatli faoliyat yuritayotgan O‘zbekistondagi yetakchi korxonalardan biri hisoblanadi.
AKFA Group xoldingi tarkibiga kiruvchi BENKAM ishlab chiqarish majmuasi 2015-yilda tashkil etilgan. Qisqa vaqt ichida BENKAM yuqori texnologiyali alyuminiy mahsulotlari ishlab chiqarishini yo‘lga qo‘ydi.
Hozirda BENKAM qurilish, transport va aviatsiya, energetika kabi sohalar uchun alyuminiy mahsulotlarini ishlab chiqaradi. Markaziy Osiyodagi yetakchi alyuminiy profil ishlab chiqaruvchilardan biri bo‘lib, BENKAM bugungi kunda AQSh, Kanada va Yevropa Ittifoqi, Markaziy Osiyo mamlakatlariga o‘z mahsulotlarini yetkazib bermoqda.
BENKAM’ning AQSh bozoridagi yangi hamkori — Amerikaning mashhur Lippert kompaniyasi bo‘ldi. Erishilgan kelishuvlarga ko‘ra, BENKAM zavodida suv, temir yo‘l va yuk transporti hamda treylerlar uchun alyuminiy butlovchi qismlar ishlab chiqariladi.
Lippert haqida
Lippert 1956-yilda AQShda tashkil etilgan. Bugungi kunda Lippert transport sanoati uchun butlovchi qismlarning yetakchi ishlab chiqaruvchisi va yetkazib beruvchisi hisoblanadi. Lippert mahsulotlari treyler sanoatida, shuningdek, avtomobilsozlik, kemasozlik va qurilish sanoatida qo'llaniladi. Keng ishlab chiqarish imkoniyatlariga ega bo'lgan Lippert turizm sanoati, qishloq xo'jaligi va mudofaa sanoati uchun ham mahsulotlar ishlab chiqaradi.
Lippert Shimoliy Amerika, Afrika va Yevropada joylashgan 140 dan ortiq ishlab chiqarish majmualari va distribyutorlik markazlariga ega. 2023 yil yakunlari bo‘yicha Lippert’ning sof foydasi 3,8 milliard dollardan oshdi.
BENKAM va Lippert o'rtasidagi hamkorlik O'zbekiston sanoati uchun yangi imkoniyatlar ochadi. BENKAM o'z tarixida birinchi marta transport sanoati uchun yuqori texnologiyali butlovchi qismlarni ishlab chiqarishni boshlaydi. Bu fakt O‘zbekistonda ishlab chiqarilayotgan yuqori qo‘shimcha qiymatga ega mahsulotlar jahon standartlarga to‘liq javob berishini anglatadi.
Biroq bu faqat boshlanishi. BENKAM kompaniyasining yaqin kelajakdagi rejalari ishlab chiqarishni yanada takomillashtirish va modernizatsiya qilish, shuningdek, Shimoliy Amerika va Yevropa Ittifoqi bozorlarida o‘z ulushini oshirishdan iborat.
Reklama huquqi asosida.
Izoh (0)