Франциялик спортчи Соункамба Силла Париждаги (Франция) Олимпиада ўйинларининг очилиш маросимида иштирок этади. Аввалроқ унга ҳижобда тадбирга бориш тақиқлангани ҳақида хабарлар тарқалган эди.
Инсон ҳуқуқлари ҳимоячилари гуруҳлари Франция ҳукуматини ўз қарорини ўзгартиришга чақириб, бу мусулмон спортчиларни камситиш, четлаб қўйиш экани айтган. Франция позицияси БМТ томонидан ҳам танқид қилинди.
The Guardian нашрининг ёзишича, ташкилотчилар спортчига ҳижобни кепкага алмаштиришга рухсат берган. Франция Олимпия қўмитаси Силла очилиш маросимида кепка кийишга рози бўлганини айтди.
“Сиз ўз мамлакатингизда бўлиб ўтадиган Олимпиада ўйинларида иштирок этиш имконига эга бўлсангиз-у, лекин рўмол ўраганингиз учун очилиш маросимида иштирок эта олмайсиз”, дея Силла сўзларини келтиради Le Parisien спортчининг ижтимоий тармоқларига таяниб.
Франция Олимпия қўмитаси президенти Девид Лаппартиeннинг айтишича, француз олимпиячилари дунёвий тамойилларга боғланган.
“Бу дунёнинг бошқа мамлакатлари учун тушунарсиз бўлиши мумкин, аммо бу Франция ДНКсининг бир қисмидир”.
Париждаги Олимпия ўйинларининг очилиш маросими бугун, 26 июль куни бўлиб ўтади.
Изоҳ (0)