Германия канцлери Олаф Шольц у бошқараётган Германия Социал-демократик партиясини (СДП) жуда ҳамжиҳат деб атади. У 2025 йилги сайловларда яна ўз номзодини қўйишини айтди.
Унга кўра, социал-демократлар келаси йилги федерал сайловларда ғалаба қозониш ниятида. “Мен яна канцлер бўлиш учун номзодимни қўяман”, деди Шольц Берлиндаги матбуот анжуманида.
У сайловларгача жамиятдаги кайфият “СДП фойдасига ўзгаришини” кутмоқда. Канцлер сайловчиларни “ҳаракат ва шаффофлик орқали” ишонтиришни хоҳлаётганини айтди, дея унинг сўзларини келтиради Билд.
Олаф Шольц 2021 йил 8 декабрдан бери Германия федерал канцлери лавозимида ишлаб келмоқда. Бунгача уч йил давомида Германия вице-канцлери ва молия вазири бўлган.
Бу йил Германияда бўлиб ўтган Европарламент сайловларида СДП ўзининг энг ёмон натижасини кўрсатди.
Изоҳ (0)