Германия канцлери Олаф Шольц Украина президенти Владимир Зеленскийнинг Украинага учирилган ракеталарни уриб тушириш бўйича илтимосини рад этди. Бу ҳақда Deutsche Welle хабар берди.
Зеленский нафақат Германия, балки бошқа Ғарб давлатларига ҳам тегишли илтимос билан мурожаат қилган. Сиёсатчи Украинага учирилган Россиянинг ракета ва дронларини нишонга олишни сўраган. Шольц Германия қуролларидан Россияга қарши фойдаланиш бўйича қўйилган чекловни олиб ташлашга ҳам рози бўлмаган.
Журналистларнинг НАТОнинг бошқа мамлакатлари ҳам бу ёндашувга қўшиладими, деган саволига жавоб берар экан, Олаф Шольц шундай деган: “Мен шундай консенсусни кузатяпманки, бундай қадамлар ҳақида гап бўлиши мумкин эмас. АҚШ ҳам бу масалада жуда аниқ позицияга эга”.
Аввалроқ Олаф Шольц Россия президенти Владимир Путиннинг урушни тугатиш учун Украинанинг тўртта ҳудудидан воз кечиш таклифига муносабат билдирганди. Мазкур таклиф 26 000 квадрат метр ҳудудни Путинга жангсиз топширишни англатади. Бу бутун бир бошли мамлакат ҳудудига тенг кела олади.
Вазият аён: Путин ҳануз уруш ва қайта қуролланишга таянишда давом этмоқда. Бунга ҳеч ким кўз юма олмайди. Унинг ўт очишни тўхтатиш таклифида бу яққол акс этган. Буни таклиф ҳам деб бўлмайди, аммо у кўриб чиқишга арзийди.
У нафақат ўт очишни тўхтатиш, балки рус қўшинлари ҳали ноқонуний равишда босиб олмаган ҳудудлардан воз кечишни ўз ичига олади. Украинадан, шунингдек, демилитаризация қилиш ва келажакдаги ҳарбий ёрдамдан воз кечиш талаб этилган. Кимки Украина бу вазиятни енгиб ўтиб, Европада мустаҳкам тинчлик ўрнатилади, деб ишонса, эҳтимол, Russia Today’ни жуда кўп томоша қилаётгандир. Афсуски, Россия тинчликни хоҳламайди. Ҳужумга учраган Украинагина тинчликни истайди. Янги агрессияга қўрқмасдан ва бўйсунмасдан адолатли тинчлик ўрнатиш, деган эди Германия канцлери.
Изоҳ (0)