Ижтимоий тармоқларда Учтепа тумани 25-мавзе 2-уй ёнида дарахтларга шикаст етказилгани ҳақида хабар тарқалган эди. Унда айрим кимсалар дарахтларни йўқ қилишда шундай усулдан фойдаланаётгани айтилган.
Ҳолат юзасидан Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси изоҳ барди.
Учтепа тумани инспекторлари томонидан жойига чиқиб ўрганилганда, номаълум шахслар томонидан 10 туп дарахтга қасддан шикаст етказилгани аниқланди.
Дарахтларни сақлаб қолиш мақсадида техник тадбирларни амалга оширишда ёрдам бериш учун Академик Ф.Н.Русанов номидаги Тошкент ботаника боғига хат чиқарилди, дейилади бошқарма ахборотида.
Қўшимча қилинишича, дарахтларга шикаст етказган шахсларни қидириш учун ички ишлар органига хабар берилган.
Изоҳ (0)