Самарқанд вилояти Каттақўрғон туманида бир пайтнинг ўзида 17 нафар масъул мансабдор шахсларга нисбатан 57 млн 800 минг сўм миқдорида маъмурий иш қўзғатилди.
Хабар берилишича, Каттақўрғон туман инспекцияси давлат инспекторлари томонидан туманида кузатув назорат тадбирлари олиб борилган. Тадбирлар давомида тумандаги корхона ва ташкилотлар томонидан куз ва баҳор мавсумида “Яшил макон” умуммиллий лойиҳаси доирасида экилган дарахт кўчатларини ўз вақтида суғориш ва агротехник тадбирларини олиб бормаганлик оқибатида бир неча ҳудудларда дарахт ва бутасимонлар қуриб қолгани аниқланди.
Шу боисдан эътиборсизлиги ва дарахтларни сувсизлик ҳамда касалланишига қарши ўз вақтида агротехник тадбирларни олиб бормагани сабабли бир пайтнинг ўзида тумандаги 17 нафар масъул мансабдор шахсларга Маъмурий жавобгарлик тўғрисидаги кодекснинг 79-моддаси 3-қисмига биноан 57 мл 800 минг сўм миқдорида маъмурий иш қўзғатилиб, тегишли ҳужжатлар туман прокуратурасига тақдим этилган.
Изоҳ (0)