Паркинсон касаллиги бўйича мутахассис президент Байденда ушбу хасталикнинг классик белгилари намоён бўлганини маълум қилди. Бу ҳақда мутахассис сўзларидан иқтибос келтирган ҳолда Nеw York Post манбаси хабар берди.
Манбада айтилишича, невролог ҳамда Паркинсон бўйича мутахассис Том Питц 8 июль куни матбуотга президент Байденнинг ҳолати юзасида интервью берган. Унда президент Паркинсоннинг “классик симптомлари”ни намоён қилгани айтилади.
Доктор Том Питц Байден билан ҳеч қачон кўришмаган ҳамда унинг саломатлик таҳлиллари билан танишмаган. Бироқ президентнинг ҳаракатланиши ва нутқлари орқали унинг хасталиги ҳақида умумий хулосага келган.
“Президент бу касалликка ишора қилувчи деярли барча белгиларни кўрсатиб бўлган. Байденда нейродегенерациянинг ўткир муаммолари бор. Масалан, у жумлаларни тузишда, сўз топишда қийналади. Бу эса нерв маркази фаоллиги пасайганлигидандир”, деган Том Питц.
Мутахассис президентга ташхис қўйиш учун очиқ кўриниб турган белгиларга асосланишни ўзи етарли деб ҳисоблашини билдирган. Байден нутқи ва фикрлари ноузвийлиги билан боғлиқ муаммоларни ёшга доир ҳолат деб хулоса қилишдан қайтарган.
“Айниқса, президентнинг паст овоз билан гапириши аҳамиятли. Гипофония, яъни вақт ўтиши билан кичик монотон овоз шаклланиши Паркинсоннинг ўзига хос белгисидир. Дудуқланиб гапириш эса касаллик жиддий босқичга кира бошлаганини англатади. Мен президентга унинг яқинига бормасдан ҳам ташхис қўя олган бўлардим”, деган мутахассис.
Олдинроқ АҚШ расмий нашрлари Оқ Уйга Паркинсон касаллиги бўйича мутахассис ташриф буюрганини маълум қилган эди. Ушбу хабар эса президент саломатлиги борасидаги хавотирларни кучайтирган.
Оқ Уй расмийлари Байденнинг Паркинсонга чалингани ҳақидаги хабарларни рад этган. Президент соғлом ва иш фаолиятида экани маълум қилинган.
Изоҳ (0)