АҚШ ва унинг НАТОдаги иттифоқчилари узоқ давом этадиган урушга тайёрланишлари керак. Бу ҳақда АҚШ мудофаа вазирининг биринчи ўринбосари Кетлин Ҳикснинг вазирлик расмий сайтида эълон қилинган баёнотида айтилади.
Мудофаа вазирлиги расмийсининг АҚШ ва НАТО муносабатларига бағишланган баёноти 9 июль куни жамоатчиликка эълон қилинган. Унда Вашингтон ва унинг ҳамкорлари ҳушёрликка чақирилади.
Кетлин Ҳикс НАТО узоқ муддатли урушга тортилиши мумкинлиги ҳақида гапирган. Бу уруш бир неча ўнлаб йилларни ва ҳисобсиз маблағларни талаб қилиши айтилган.
Мудофаа вазирлиги расмийси Пентагонни ва унга иттифоқчи кучларни жамоавий ҳарбий-саноат салоҳиятининг кўтаришга ва бу жараённи тезлаштиришга чақирган. Ҳукуматларни йирик ва мультинационал харидлар ҳажмини оширишга ундаган
“Бизнинг иттифоқимиз анча чуқур илдизларга эга. Биз бир-биримизни ҳимоя қиламиз ва бир-биримизга ишонамиз. Биргаликда курашиш, бирга тер тўкиш ва биргаликда қурбонлик қилиш ваъдаларимизга содиқ қоламиз”, — деган Кетлин Ҳикс хоним.
АҚШ расмийси Вашингтон бошлиқ коалицияни узоқ муддатли урушга тортадиган рақиб номини айтмаган. Баёнотнинг айрим ўринларида Россиянинг альянс ҳудудига таҳдиди жуда улкан бўлиши мумкинлиги билдирилади.
Изоҳ (0)