Фарғона вилояти Бешариқ туманида электр энергиясидан ноқонуний фойдаланган фермер хўжалиги аниқланди, деб хабар бермоқда “Ўзэнергоинспекция” ахборот хизмати.
Унга кўра, ҳолат “Ўзэнергоинспекция” Фарғона вилояти ҳудудий бошқармаси томонидан Бешариқ туманида ўтказилган назорат тадбирда аниқланди. Фуқаро Н.Н.га қарашли (боғ) фермер хўжалигининг сув насоси электр ҳисоблагич ток трансформаторларига ташқи таъсир кўрсатилган.
Ушбу қоидабузарлик ҳолатлари бўйича далолатнома расмийлаштирилиб, дастлабки ҳисоб-китобларга кўра тизимга 234 млн сўм зарар етказилгани маълум бўлди. Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Изоҳ (0)